މޯލްޑިވިއަނުން ހަނިމާދޫ އެއާރޕޯޓަށް ރޭގަނޑު ކުރާ ދަތުރުތައް ވަގުތީގޮތުން މެދުކަނޑާލަން ނިންމައިފި
- Avaitors Maldives
- Feb 1, 2023
- 1 min read
ޤައުމީ އެއާރލައިން މޯލްޑިވިއަނުން ހަނިމާދޫ އެއާރޕޯޓަށް ރޭގަނޑު ކުރާ ދަތުރުތައް ވަގުތީގޮތުން މެދުކަނޑާލަން ނިންމައިފިއެވެ.
މޯލްޑިވިއަނުން މި ނިމުން ނިންމާފައި ވަނީ ހަނިމާދޫ އިންޓަރނޭޝަނަލް އެއާރޕޯޓް ތަރައްޤީ ކުރުމުގެ މަޝްރޫއުގެ ދަށުންނެވެ.
އަންނަ މަރިޗު 1 ވަނަ ދުވަހުން ފެށިގެން ޤައުމީ އެއާރލައިން މޯލްޑިވިއަނުން ހަނިމާދޫ އެއާރޕޯޓަށް ރޭގަނޑު ކުރާ ހުރިހާ ދަތުރުތައް ވަގުތީގޮތުން މެދުކަނޑާލަނެ ކަމަށާއި ހަނިމާދޫ ޓުރިވެންޑުރަމް ދަތުރުތައް ވެސް މިއާއެކު މެދުކަނޑާލަނެ ކަމަށް މޯލްޑިވިއަނުން މިކަން ހާމަކޮށް ނެރުނު ބަޔާނުގައިވެއެވެ.
1 މަރިޗުގެ ފަހަށް ޓިކެޓް ނަންގަވާ ބޭފުޅުންނަށް މޯލްޑިވިއަން ކޯލްސެންޓަރ މެދުވެރިކޮށް ދަތުރުގެ ކަންކަން ހަމަޖައްސައި ދޭނެ ކަމަށާއި މިކަމުގެ ސަބަބުން ދިމާވާނެ ދަތިތަކަށް މޯލްޑިވިއަނުން ވަނީ މާފަށްއެދިފައެވެ.
